ليس الأمر متعلقاً بالأخبار السياسية وحسب، كل استحقاق هو مادة للتسلية يستفيد منه اللبنانيون ليجعلوا من النكات متنفساً لهم، رغم مبالغتهم في بعض الأحيان.
“نورما” لم تسلم بدورها من أريحة اللبناني الخلاقة، وانتشرت النكات والصور عبر مواقع التواصل الاجتماعي، فعصفت الرياح في العالم الافتراضي اللبناني، ممطرة ضحكاً.
وكالعادة “راح خيال اللبناني لكتير بعيد”، واشتغلت مخيلته بتأليف السيناريوهات وتركيب الصور الكوميدية وهذه أبرزها.
وللحكومة أيضاً نصيب مع نورما.
ومن ابرز ما كتب تحت هاشتاغ #العاصفة_نورما:
ـ اليوم جربت فعليا كيف ممكن “طير من الهواء ” #العاصفة_نورما
ـ تحية للجيل النيلون يلي ما بيعرف لذة الروحة عالمدرسة بهل طقس بكنزة “كورولي” قبّة خنق، 3 او 4 فانيلات،”كولون” سمكوا 5-6 سم، قبوعة معرقة مشدودة على الرقبة، “حمي دينكي ماما” وجاكيت واصلي مباشرة من الأسكيمو كانت لخيك الكبير من 5 سنين.
ملاحظة: تنسيق الألوان ما كان بالحسبان #العاصفة_نورما
ـ اسئلة الامتحانات الرسمية لكافة الشهادات:
-عدد اسماء العواصف ومصدرها ومدتها؟
— ما هو عدد قرارات وزير التربية بخصوص اقفال المدارس؟
اذكر على الاقل قرار واحد بأختصار
— حدد ارتفاعات المدارس عن سطح البحر
#العاصفة_نورما
#وزير_التربية
ـ متل كتير دول متقدمة لازم يصير بلبنان نظام اسمو “home office” يتيح للموظفين العمل من المنزل في ايام محددة وفقا للحاجة طبعا للي عملهم يسمح لذلك .. علما ان لهذا الموضوع ايجابيات كتيرة أهمها التخفيف من عجقة السير وعناء الطريق واهم شي الدفى بالبيت بهيك طقس. #العاصفة_نورما
ـ لو #العاصفة_نورما بتفلّ قبل ما صير ١٠٠ كيلو.
