هشام حداد: بلاها قصة اللحظة التاريخية.. التدقيق رح يسقط الحكومة قبل ما نلاقي مرتكب واحد!
بعد اقرار الحكومة أمس الثلاثاء التعاقد مع شركة التدقيق الجنائي Alvarez & Marsal، غرّد مقدّم البرامج هشام حداد عبر "تويتر" قائلاً: "إقرار التدقيق الجنائي هو بداية الطريق للمحاسبة الحقيقية بس بلاها قصة اللحظة التاريخية... جربناها بالنفط وطلع ما في غاز بالبلوك 4 وما في موعد للتنقيب بباقي البلوكات وجربناها بالفيول من دولة لدولة وطلعت القصة فوفاش وجربناها بالخطة الاقتصادية وفتنا بالحيط مع صندوق النقد".
وأضاف: "وجربناها بالتوجه شرقا وطلع الشرق اصلا ما بدو يانا وجربناها بمليارين وديعة كويتية وطلعو علبتين حمص... بعتقد كمان هالمرة التدقيق رح يسقط الحكومة قبل ما نلاقي مرتكب واحد... ليه صايرين متل اللي بنقي اسامي الولاد اول ما يصاحب".
